صبري نفذ

زائر

صبري‮ ‬نفد

حبك بقلبي‮ ‬ساطيٍ‮ ‬في‮ ‬الضماير
ما هوب عني‮ ‬رايحٍ‮ ‬وين ماروح
واصبحت انا من حر فرقاك حاير
ضاع الفكر والقلب بالهم مجروح
ولى‮ ‬غبت عني‮ ‬اصبح القلب طاير
كني‮ ‬طويرٍ‮ ‬بالسكاكين مذبوح
من طاح في‮ ‬حب الحسان الحراير
تلقاه في‮ ‬درب العماهيج مطروح
من زود حبه اصبح الفكر داير
متسبّهٍ‮ ‬والعشق ما فيه مصلوح
بيض الثنايا مع سواد الغداير
وحمرة خدوده سببت تلفة الروح
كتمت حبه وين ما كنت ساير
لكن حنين الشوق خلاني‮ ‬آبوح
وانا محبٍّ‮ ‬للخفا والسراير
ماريد سري‮ ‬ينقله كل مفضوح
والدهر خلاني،‮ ‬ومنه العباير
كالطير لى من صار في‮ ‬الارض مجنوح
صبري‮ ‬نفد والقلب بالنار فاير
ما شوف لي‮ ‬دربٍ‮ ‬على الخير مفتوح
لى صار حظك في‮ ‬هوى الخل باير
ما لك من الدنيا سوى الصبر والنوح
متى تجيني‮ ‬من حبيبي‮ ‬البشاير
وآقول‮ ‬يا خلّي‮ ‬ترى الشره مدموح

الشيخ احمد بن محمد آل خليفة

زائر

يسلمون على النقل الحلو

تسلم يدك